Hurmatli hamkasblar, o‘qituvchilar va ishtirokchilar!

Sizlarga shuni ma’lum qilamizki, O‘zbekiston Respublikasida xalqaro matematika tanlovi «Kenguru»ning rasmiy tashkilotchisi «Olimpiya» MChJ hisoblanadi. Mazkur tanlovni o‘tkazish bo‘yicha faoliyat faqatgina ushbu tashkilot tomonidan amalga oshiriladi va u tanlovni o‘tkazish uchun barcha zaruriy huquq va vakolatlarga ega.

Tanlov haqida rasmiy ma’lumot olish, uning o‘tkazilish muddatlari va ishtirok shartlari bilan tanishish uchun, faqat rasmiy manbalardan foydalanishingizni so‘raymiz:

Rasmiy veb-sayt: www.Olympia.uz
Rasmiy Telegram-kanal: https://t.me/contest_kenguru_uz

Xalqaro matematika tanlovi «Kenguru» O‘zbekistonda 2018 yildan beri o‘tkazib kelinmoqda va bu yillar mobaynida tanlovda 100 000 dan ortiq o‘quvchi ishtirok etgan. Tanlovga bo‘lgan qiziqish va qo‘llab-quvvatlash uchun barcha ishtirokchilar va o‘qituvchilarga minnatdorchilik bildiramiz, chunki u bolalarda mantiqiy fikrlashni rivojlantirishga va matematikani o‘rganishga qiziqish uyg‘otishga xizmat qiladi.

E’tiborli bo‘ling, sizni rasmiy tashkilotchiga aloqasi bo‘lmagan noqonuniy tadbirlarda ishtirok etmaslikka chaqiramiz.

Hurmat bilan,
«Chegarasiz Kenguru» Xalqaro Assotsiatsiyasi